Поглаварот на племето Чироки: Престанете да го користите името на нашето племе за вашите автомобили

Поглаварот на племето Чироки: Престанете да го користите името на нашето племе за вашите автомобили

Поглаварот на племето Чироки побара од производителот на автомобили „Џип“ (Jeep) повеќе да не ја користи ознаката „Чироки“ на нивните џипови.


Jeep Grand Cherokee е бестселер на оваа американска марка, додека Jeep Cherokee е третиот најпродаван модел на марката.

Американскиот производител неодамна претстави редизајнирана верзија на возилото Grand Cherokee, а компанијата продава теренци кои го носат името на племето Индијанци веќе 45 години.


„Мислам дека дојде време и за корпорациите и за екипните спортски тимови во оваа земја да се повлечат од употребата на имињата на домородните американци, сликите и маскотите што ги користат за своите производи и спортски натпревари. Сигурен сум дека она што го прават е добронамерно, но не сме почестени со лепење на името на нашето племе на страните на автомобилите “, рече Чак Хоскин Џуниор, поглаварот на Чероки.

„Имињата на нашите автомобили беа внимателно избрани и користени со текот на годините за да ги почестат и величаат Индијанците за нивното благородништво, херојство и гордост“, одговорија од компанијата „Џип“.

„Посветени сме кога и да е да го почитуваме и отвориме дијалогот со поглаварот Хоскин“, се вели во соопштението на американскиот производител на автомобили.

“Тоа е една од највредните работи. Тоа е дел од нашиот идентитет”, рече тој за Си-Ен-Ен Бизнис.


Jeep Cherokee за првпат беше претставен во 1974 година, додека помодерниот изглед на Grand Cherokee се појави во 1993 година.

Leave a Reply

Your email address will not be published. Required fields are marked *